شتاوات

مانا شحاتة لدوانا .. حتى لو يقتلنا دانا (لا نتسول دواءنا ولو قتلنا داؤنا)

عندي للكسرات جبيرة .. قولي راحت فيها خيرة

دنيا كان نجي نحسبها .. نطلع مديون مسيبها

حقيناك رخيت رخينا .. راك تحط اللوم علينا (جفوتنا فجفوناك فلا تلمنا)

مخليها لله وندق .. على الدنيا ما عزمي رق

في العقل العازة يا غالي .. ما في مالك ما في مالك

العازة ما هي عازة مال .. توارت عن الانضار رجال (الحاجة ليست للمال، ولكن الهم في غياب الرجال)

مانك للي يصيد عويل .. ولانك ثوبة للرعيان (ما أنت للصياد سهل ولا أنت غنيمة للرعاة)

رعد يرزم وأمزان تشل .. مدردر ما يصفى له غل

الخاطر كان بكا خلوه .. مواجع ومواراة وجوه

افتكوا ونا زاد افتكيت .. استغنوا ونا زاد استغنيت

ديما هادا حال الفاقد .. متغطي لكن مو راقد

ما درنا شي يعير بنا .. عدادين عيون عربنا

اوعينا وكالين حلال .. على جرة هلنا مازال